İstifadə qaydaları

 

 

İstifadəçilərin diqqətinə!

 

Xahiş edirik ki, “Bytelecom”MMC-nin mülkiyyətində olan bu veb-saytdan (bundan sonra “Vebsayt”) istifadə etməzdən əvvəl “Saytdan İstifadə Qaydaları” (bundan sonra ismin uyğun halında “Qaydalar”) ilə ətraflı tanış olasınız. Əgər şərtlərdən hər hansı biri ilə razı deyilsinizsə, bu barədə bizə bildirə və vebsaytı istifadə etmədən tərk edə bilərsiniz. Əks halda vebsaytdakı davranışlarınız və edəcəyiniz hər hansı bir hərəkət Qaydalardakı şərtlərlə tamamilə razı olduğunuz kimi qəbul ediləcək.

 

Bu vebsayt müəllif hüquqları və əmtəə nişanları ilə Bytelecom MMC-nin mülkiyyətindəndir və müvafiq qanunlarla tam tərkibdə qorunur.

 

Dəyərli istifadəçi!

 

Bytelecom MMC bu Qaydalara, habelə vebsaytdakı bütün digər məlumat və materiallara istənilən zaman birtərəfli qaydada əlavə və dəyişikliklər etmək və edilmiş bütün dəyişiklikləri bu vebsaytda əlavə xəbərdarlıq və bildirişlər olmadan yerləşdirmək hüququnu özündə saxlayır. Qaydalara edilmiş əlavə və dəyşikliklərə dair bildirişlərin bu vebsaytda və ya digər resurslarda yerləşdirilməmiş olması belə əlavə və dəyişikliklərin hüquqi qüvvəsinə hər hansı formada təsir göstərmir və gələcəkdə onun etibarsızlığına əsas verən səbəb ola bilməz.

 

Vebsaytda qeyd olunan bütün məlumatlar sizin istifadəniz üçün nəzərdə tutulmuşdur. Bytelecom olaraq biz bu vebsaytda mütəmadi olaraq yalnız etibarlı və yenilənmiş informasiya və məlumatları yerləşdirməyə çalışırıq, lakin bu vebsaytda yerləşdirilən və ya təklif olunan məlumat və materialların düzgünlüyü, vaxtında yerləşdirilməsi, bütövlüyü və (və ya) uyğunluğu barədə zəmanət və ya təminat verilmir. Siz bu məlumat və materiallarda səhvlər və uyğunsuzluqlar ola biləcəyini və bizim hər hansı belə hallara görə qanunvericilik çərçivəsində müəyyənləşdirilmiş  qaydada məsuliyyətdən azad olduğumuzu qəbul edirsiniz.

 

Bu vebsaytda mövcud olan hər hansı məlumatın və ya materialın istifadəsi ilə bağlı bütün risklər istifadəçi olaraq sizin öz üzərinizdədir və buna görə Bytelecom heç bir məsuliyyət daşımır. Bu vebsaytda yerləşdirilən hər hansı məlumatın xüsusi tələblərinizə cavab verib-vermədiyini təsdiqləmək və bu istiqamətdə hərəkət etmək tamamilə sizin məsuliyyətinizdir.

 

Bu vebsaytda yerləşdirilən bütün məlumatlar, sənədlər, o cümlədən vebsaytın dizaynı, bütövlükdə tərtibatı, görünüşü və digər elementləri, həmçinin bütün digər materiallar üzərində hüquqlar birbaşa və müstəsna olaraq Bytelecom MMC-ə məxsusdur. Belə məlumatlar, sənədlər, materiallar Bytelecom MMC-nin birbaşa və aşkar yazılı razılığı, təsdiqi olmadan hər hansı formada yüklənə, surəti çıxarıla, yayıla, yenidən dərc edilə, çoxaldıla, nümayiş etdirilə, elan oluna və ya digər tərəf(lər)ə ötürülə və istifadə edilə bilməz.

 

Bu Veb-saytda dərc olunan və yerləşdirilən bəzi məlumat və materiallar qarşılıqlı razılıq əsasında digər mənbələrdən əldə oluna bilər. Belə məlumatların yerləşdirilməsi zamanı həmin məlumatlara dair hüquqları özündə saxlayan subyekt(lər)in razılığının alındığı güman olunur.

 

İctimaiyyət üçün açıq olan məlumatların, habelə dövlət və bələdiyyə orqanları tərəfindən elan olunan məlumatların bu vebsaytda istifadə və əks olunmasına heç bir xüsusi və ayrıca razılıq tələb olunmur və belə məlumatların yerləşdirilməsi zamanı həmin məlumatlara dair hüquqları özündə saxlayan subyekt(lər)in razılığının alındığı güman olunur.

 

Vebsaytın təklfi etdiyi bütün funksionallıqlardan tam tərkibdə  istifadə edə bilməyiniz üçün qeydiyyatdan keçməyiniz tələb olunur. Qeydiyyatdan keçərkən barənizdə tələb olunan müəyyən şəxsi məlumatları müvafiq xanalara daxil etməyiniz mütləqdir. Belə məlumatları daxil edərkən qrammatik tələblərə əməl etməyiniz tələb olunur. Daxil etdiyiniz məlumatlardakı yanlışlıqlara və ya belə məlumatlardan istifadə etməklə qeydiyyatdan keçərək aktivləşdirdiyiniz hesabla etdiyiniz hərəkət və ya hərəkətsizliklərə görə Bytelecom MMC heç bir məsuliyyət daşımır.

 

Vebysatdan istifadə zamanı hər hansı məhsulu satın barədə qərar verdikdə siz müəyyən əməliyyatları etməklə ödəniş və ya müraciət səhifələrinə yönləndirilirsiniz. Xüsusilə nəzərə almağınızı xahiş edirik ki, həmin ödəniş səhifələri “Bytelecom” mağazalar şəbəkəsi ilə tərəfdaşlıq edən müxtəlif maliyyə qurumlarına və banklara məxsus ola bilər. Daxil etdiyiniz bank (kart) məlumatlarının təhlükəsizliyinə görə Bytelecom heç bir məsuliyyət daşımır. Bildiririk ki, belə məlumatlarınız (bank məlumatlarınız) heç bir halda Bytelecom-a aid serverlərdə saxlanılmır. Lakin Siz müəyyən xidmətlərimizin operativliyini təmin etmək məqsədilə yalnız öz iradəniz daxilində və öz arzunuza görə, “Banklar haqqında” Azərbaycan Respublikasının Qanununun 41-ci maddəsinin (“bank sirri”) tələblərinə riayət edilməsi şərtilə, bank hesabınıza dair məlumatları bizə təqdim edə bilərsiniz. Biz həmin məlumatları qorumağa və yaymamağa görə cavabdehlik daşıyırıq.

 

Sizin bu vebsayta yerləşdirdiyiniz və göndərdiyiniz məlumatlar, habelə vebsaytda etdiyiniz əməliyyatlarınıza, hərəkət tarixçənizə dair bütün məlumatlar Bytelecom üçün tam konfidensial xarakter daşıyır və onların konfidensiallığının qorunmasına zəmanət verilir. Belə məlumatların konfidensiallığının təmin edilməsinə dair ətraflı məlumatla saytımızın “Məxfilik Siyasəti” bölməsində tanış ola bilərsiniz.

 

Bu vebsaytda üçüncü şəxslərin mülkiyyətində olan, üçüncü tərəf şəxslər tərəfindən idarə olunan saytlara, habelə xarici internet saytlarına yönləndirmələri təmin edən keçidlər (linklər) ola bilər. Belə keçidləri əlavə etməkdə yeganə məqsədimiz, Sizi mümkün qədər ətraflı məlumatlandıraraq saytdan istifadənizin daha asan, səmərəli, effektiv və məhsuldar şəkildə həyata keçirilməsini təmin etməkdən ibarətdir.

 

Keçidlər vasitəsilə daxil olduğunuz sayt(lar)da qarşınıza çıxacaq məlumatlara və materiallara Bytelecom nəzarət etmir və onlara görə heç bir məsuliyyət daşımır. Müvafiq saytlara dair keçidlərin yerləşdirilməsi Bytelecom MMC-nin həmin saytvə mənbələrlə rəsmi əməkdaşlıq etdiyimiz, onlarla aramızda bu və ya digər rəsmi əlaqənin olması anlamına gəlməməli, tərəfimizdən həmin saytlardakı malların, işlərin, xidmətlərin, elan və çağırışların və bütün digər materialların təşviqi, yaxud reklamı kimi anlaşılmamalıdır.

Siz, bu vebsaytın və ya burada keçidi verilmiş hər hansı başqa saytın və ya mənbənin istifadəsi ilə əlaqədar yaranan və ya yaranması iddia olunan zərər və ya ziyana görə Bytelecom MMC-nin birbaşa və ya dolayı yolla məsuliyyət və ya cavabdehlik daşımayacağını qəbul edir, bununla razılaşırsınız. Bytelecom MMC bu vebsaytdan və ya bu vebsayta verilmiş keçidə daxil olmaqla digər saytlardan, mənbə və resurslardan istifadə etməyiniz nəticəsində (habelə hər hansı materialı yükləməyiniz nəticəsində) sizin kompüter avadanlıqlarınıza, mobil cihazlarınıza və bu qəbildən olan bütün digər avadanlıqlarınıza sızmış viruslar və ya texnoloji cəhətdən digər zərərli materiallar tərəfindən dəyən hər hansı zərər və ya ziyana görə məsuliyyət daşımır.

 

Bu vebsayt vasitəsilə Sizə iştirakçıların hüquq bərabərliyi, iştirakçıların iradə sərbəstliyi, iştirakçıların əmlak müstəqilliyi, mülkiyyətin toxunulmazlığı, müqavilə azadlığı, sahibkarlıq fəaliyyətinin maneəsiz həyata keçirilməsi, azad və ədalətli rəqabət, malların, xidmətlərin və maliyyə vəsaitlərinin sərbəst hərəkəti, hüquqların məhkəmədə müdafiəsinə təminat verilməsi prinsiplərini rəhbər tutmaqla, “Elektron ticarət haqqında” Azərbaycan Respublikasının Qanununun tələblərinə uyğun olaraq elektron ticarət etmək imkanı təklif olunur. Bu vebsayt vasitəsi ilə Siz elektron ticarət etməklə mülki dövriyyəsi qadağan edilməyən və “Bytelecom” mağazalar şəbəkəsində satışı həyata keçirilən müxtəlif məhsulları əldə edə bilərsiniz.

 

Bu vebsaytdan istifadə ilə əlaqədar yaranan münasibətlərə Azərbaycan Respublikasının qanunvericiliyinin nəzərdə tutduğu qaydada yanaşılır.

 

Bizimlə aşağıdakı əlaqə vasitələri ilə əlaqə saxlaya bilərsiniz:

 

E-mail: [email protected];

Telefon: *2777;

Ünvan: Bakı şəhəri, Səabil rayonu, Badamdar ŞTQ, Massiv 2

 

 

icon

İnanılmaz uyğun qiymətlər

Bir çox elektronika məhsullarının birbaşa idxalçısı olaraq satış qiymətlərinin aşağı olmasını rahatlıqla təmin edə bilirik.

icon

Sürətli və pulsuz çatdırılma

Anbarlarımıza olan məsafədən asılı olaraq, Bakı və Bakı ətrafı ünvanlara 1, bölgələrimizə isə 1-3 iş günü ərzində pulsuz çatdırılma edirik.

icon

24/7 Müştəri Xidmətləri

Sorğu və müraciətləriniz 15 dəqiqə ərzində operativ cavablandırılır. Operatorlarımız 24/7 xidmətinizdədir.

icon

Endirimli məhsul seçimi

Mağazalarımızda mütəmadi olaraq, yüksək məbləğli endirim və hədiyyə kampaniyaları keçirilir.